澳门旅游费用联盟

苏苏带你穿过澳门小巷寻觅美食,内有Deadpool彩蛋哦!

广饮广食 2018-07-17 07:33:58


编辑 / 苏苏 | 摄影 / JC

本文由【广饮广食】出品

未经允许 请勿转载



讲起澳门嘅美食, 

大家都会霖起

猪扒包 葡挞 碗仔翅...

今日苏苏就带大家穿过澳门小巷,

寻觅澳门另一种味道。




新美小食

✐ 标签:早餐店 混酱肠粉 咖喱鱼蛋 豆腐花

澳门半岛新马路公局新市西街32号

☎ 28323156

¥ 人均30MOP


新美小食,一家街坊早餐店。

店面唔大,就得几个位,

好多澳门嘅街坊都会落嚟帮衬。

每次苏苏一大早嚟到澳门,

第一时间就会嚟呢度,食翻份早餐。


炒粉、生滚粥、烧卖、煎饺...

糖水甜品...街坊嘅味道,

分量足,价钱抵。


「混酱猪肠粉」15MOP

每次都係必点嘅,

甜酱辣酱花生酱捞埋一齐,

一啖落去,三重口感係口中爆发,

一啖接一啖简直停唔到!


「豆腐花」8MOP

苏苏就最中意食完咸嘢,

嚟翻份甜品。

姜汁豆腐花,

豆腐花好嫩滑,入口即化。



阿姨好nice,得闲仲同你吹下水添。

食完个早餐,就有力气继续去逛吃逛吃啦!





恒友

✐ 标签:秘制咖喱鱼蛋

☞ 澳门半岛板樟堂街大堂巷12C号

◐11:00-24:00

¥ 人均40MOP


去澳门梗係唔少得咖喱鱼蛋啦,

恒友嘅秘制咖喱鱼蛋都几出名,

咖喱膏係自己调制嘅,所以味道独特,

细细嘅店面但人气爆棚。


一串串嘅鱼蛋等等摆係前面,

自助式任你拣,

作为吃货嘅我,每一样都想要。



拣拣下埋单就要80MOP,

苏苏就觉得偏贵少少。

呢度主打嘅係咖喱酱汁

有辣同唔辣任君选择。

每一样食物都吸晒D酱汁,

魂牵梦绕嘅咖喱香味,

缠绕住你嘅味蕾,好香!





莫義记

✐ 标签:猫山王榴莲雪糕 木糠布丁 大菜糕

☞ 氹仔官也街9号

◐07:00-19:30;周六日07:00-21:00 

¥ 人均30MOP



噔噔噔~咻~!

苏苏嚟咗氹仔搵食啦!

係澳门气温竟然飙升到成20几度,

点都要嚟翻份冰冻嘅甜品降下温啦!

莫義记,嚟澳门不可错过嘅美食之一。

榴莲雪糕木糠布丁大菜糕

係呢度嘅三大法宝。

未食过嘅朋友仔可以都试一下。




「焦糖鸡蛋布丁」18MOP

可惜我唔钟意食榴莲啊哈哈哈!

嗜甜如命嘅我买咗份焦糖鸡蛋布丁。

老板话啱啱卖晒,D焦糖仲未凝固得好。

成个布丁就好似D动画片一样,

摇一摇就震腾腾,

脆脆嘅焦糖铺係鸡蛋布丁上面,

加上软绵嘅布丁,口感好正!





木鐸街餐廳

✐ 标签:瓦煲奶茶 咖喱鱼蛋

☞ 氹仔木铎街

¥ 人均30MOP


瓦煲奶茶,好得戚盏鬼。

睇个架势就赢足眼球了!

炭炉上面放住瓦煲,

真係够晒返璞归真,

係澳门独有瓦煲制作奶茶嘅店之一。


「瓦煲奶茶」20MOP

奶茶用上七至八种茶叶煲出嚟,

名符其實嘅茶香奶滑。

一煲大概斟到十杯,

所以老板要不间断咁煲,

确保每一杯奶茶新鲜。

瓦煲奶茶则带有与众不同嘅浓烈茶叶香味,

呢个就係同香港嘅丝袜奶茶嘅区别。


「咖喱鱼蛋」15MOP

呢度嘅鱼蛋好爽口弹牙,咖喱微辣,

一啖鱼蛋一啖奶茶,好满足!



咦?冇嘢食噶啦?

作为吃货嘅我,点够喉啊?

有太多太多嘅美食就唔一一po上嚟啦!

一日时间有限,

下次继续带大家去穿街小巷寻觅美食!

因为,苏苏嚟氹仔係赶去睇电影!哈哈~

附上Deadpool彩蛋!





-Deadpool


入场要出示身份证嘅电影,

前所未有史无前例嘅漫威R级电影,

一个大写加粗嘅黄暴贱!

so,我地大陆係唔可以上映嘅,呜呜呜~


虽然太污,

但配上咗广东话字幕

真係超级盏鬼亲切,加分唔少,

彩蛋够抵死,全场笑爆肚!

简直颠覆咗你对超级英雄形象嘅睇法!


ps:电影係2D嘅,

好多朋友就话:点解唔係3D啊?

哎呀,依家睇电影部部都搞3D,

咩都隔硬加个5毛钱特效落去。

2D都唔错啊,如果唔係嘅话,

太血腥就怕你地睇到惊!


包厢待遇君临天下,

睇住下面D观众喺度狂笑,

苏苏终于感受到咩叫无敌是最寂寞~

哈哈哈!



想知道更多美食资讯,

就记得多多留意住

【广饮广食】微信公众号啦!