澳门旅游费用联盟

舌尖上的圣诞!澳门特色圣诞美食全攻略!

eMacau 2022-07-31 10:52:59




嚟到12月中旬,街上琳琅滿目嘅聖誕裝飾,相信已經提醒大家要趁住佳節乘機大擦一餐!多間酒店同甜品店已經陸續推出特色聖誕美食,咁多選擇,希望大家都可以過番個美味聖誕啦!

1. 索菲特聖誕自助餐



索菲特大堂亮燈儀式

 

今年十六浦海風餐廳同大家準備咗精緻嘅法式聖誕美食,包括法式冷盤及各式新鮮海鮮。要感受聖誕氣氛,就一定要品嚐應節「烤火雞」同特色「聖誕布甸甜品」,「特選美酒」都係任飲,包保大家盡興而歸!而享用「聖誕自助早午餐」嘅小朋友,仲可以參加兒童手製聖誕曲奇班,親手製作屬於自己嘅薑餅人同聖誕曲奇,將聖誕氣氛帶埋番屋企!



精緻的薑餅屋裝飾



海風餐廳環境舒適




充滿節日氣氛的自助餐


索菲特聖誕自助餐

節日自助午餐:平日Mop 168+、週六日Mop 188+

節日自助晚餐:平日Mop 328+、週六日Mop 368+

聖誕自助晚餐(12月24日至25日):Mop 438+

聖誕自助早午餐(12月25日):Mop 298+


海風餐廳 Mistral
地點:澳門索菲特十六浦6樓
電話:8861 7210



2. 美高梅節慶下午茶

 




美高梅必食聖誕特別版Tea Set一次過為大家帶嚟多款節慶美食,好似果味濃甜嘅「傳統聖誕布丁」同「聖誕杏仁乾果麵包」等,做法夠傳統,又勝在一口bite size唔怕漏;「暖酒布丁」亦有特色,傳統暖酒做成啫喱,甘甜中仍帶酒香;鹹點就有歐洲風味濃厚嘅「聖誕麵包配鵝肝及蔓越梅啫喱」同「黑麥栗子包配肉醬」等等。最後食埋「自家製薑味鬆餅」,今個聖誕甜入心!

 

聖誕限定下午茶set (Mop 288+ 二人用)





金桂飛飛(Mop 68+)


黃金色調來自檸檬汁及蜂蜜。攪一攪,肉桂粉就會在杯中飛舞。飲落滿口甜蜜,帶點薑辣,好Warm。


甜中帶辣(Mop 68+)


熱可樂加入薑絲及香橙,以蠟燭暖住上檯,飲落酸甜微辣,驅寒暖胃。如果覺得唔夠辣可以另加薑汁。


香草及肉桂蛋糕(Mop 48+)


香脆泡芙內有香甜雲呢拿肉桂奶油,口感外脆內軟滑。


榛子朗姆酒蛋糕 (Mop 48+)


榛子朱古力慕斯味道濃厚,甘中帶苦,透出迷人酒香。

 

天幕咖啡廳 Grande Praca Café
地址:澳門美高梅天幕廣場
電話:8802 3888



3. 人氣法國甜品店cacao




澳門人氣法國甜品店Cacao喺呢個聖誕佳節,亦特別創作咗幾款特色造型蛋糕,可以將細細件小蛋糕買番屋企獨食,亦可以將大大個Cake帶去Party同一班朋友分享。


紫羅蘭(Mop 38)



深紫色表層神秘又浪漫,裡面係雜莓紫羅蘭慕斯配海綿蛋糕,紫羅蘭花入饌難得一見!


雪人(Mop 38)



椰子慕斯加芒果啫喱,配合曲奇餅底,雪人嘅冰冷外表底下原來係熱帶風情。


芝士蛋糕(Mop 38)



紅噹噹朱古力半球形似足聖誕樹裝飾,裡面係芝士蛋糕配搭蘋果啫喱,加埋杏仁軟曲奇。


藍色小屋(Mop 38)



雪中屋仔造型可愛,裡面係雲呢拿奶油及朱古力慕絲,加上朱古力布朗尼同朱古力脆脆帶來多重口感。


芒果千層(Mop 38)



薄薄餅皮上半夾住新鮮芒果及雲呢拿奶油、下半係濃郁芒果奶油,酸甜果味平衡唔覺漏。


Cacao Patisserie
地址:渡船街75號地下
電話:2855 7227

地址:埃武拉街469號麗駿軒地下K座
電話:2883 0553



4. 百老匯葡式風情盛宴





作為新馬路福隆新街裏歷史最悠久嘅標誌性葡國餐廳之一,今年福隆葡國餐推出咗聖誕5道菜套餐,做法正宗地道,每位MOP398+食到飽,聖誕來講性價比不錯!


燒章魚沙律配風乾火腿帶子卷



紅酒燴梨配雲呢拿雪糕



烤乳猪配蘋果茸



福龍葡國餐
地址:澳門百老匯美食街A-G005-G009
電話:883 3338



5. 「體驗夢工場」聖誕慶典






一家大細想過返個難忘嘅聖誕節,一於嚟金沙城參加呢個別開生面嘅聖誕Party啦!大家除咗可以喺呢度品嚐到造型盞鬼嘅夢工場動畫主題美食同甜品之外,《史力加》、《荒失失奇兵》、《功夫熊貓》同《馴龍記》入面嘅卡通角色,仲會同大家近距離接觸,帶俾大家一系列聖誕樂章同舞台表演,同大家一齊載歌載舞歡度聖誕。每個參加慶典嘅小朋友仲會收到由動畫巨星特別挑選嘅聖誕禮物添!唔止細路仔會玩得開心,大朋友都可以重拾童真!


「體驗夢工場」

成人:Mop 498+、小童:Mop 268+

家庭套票(3位家庭成員 + 1位小童) : Mop 1450+

*每位小童可免費獲贈 DreamWorks 動畫人物玩具一個






地址:澳門金沙城中心,四樓烏魯木齊宴會廳
電話:8113 7915、8113 7916


(内容及片來源於jump


喜歡我們的介紹内容,或想了解澳門更多,就來關注eMacau吧!


微信ID:eMacau    

長按左側二維碼關注

來源:互聯網。

如未標明來源,則來源於網路,我們對作者深感敬意。

如有侵權,請留言告知,我們會在24小時內處理。