澳门旅游费用联盟

适合闰密聚餐的澳门特色食品!

eMacau 2019-11-10 11:20:43


手打紫薯心型多士!Bless Juice Bar

鋪頭位於歐陞氣色重嘅崗頂前地,Bless Juice Bar主打配以時令食材製作嘅press juice(冷壓果汁)。除咗果汁,店內亦有提供冰滴咖啡、適合素食者飲用嘅蜂蜜豆乳抹茶以及最新推出嘅自選果昔等各款特色飲品!緊有一款啱你心水。除咗飲品,亦有輕小食可以填肚!當中最為推介紫薯流心芝士多士。


雖然店鋪面積不大只有幾個座位,但裝修走山系風,適合文青們打卡


紫薯今年大熱,唔少食店都以紫薯製作食材作招徠。但要係芸芸紫薯食物中搵到出色而唔係只得得人工甜味嘅絕非易事。呢間紫薯流心芝士多士嘅紫薯係老闆手打所以唔會有顆粒係入面,口感好滑。甜甜紫薯同芝士出奇地夾,唔會俾人咸甜不分感覺。除咗紫薯多士,紫薯迷可以飲埋紫薯抹茶果昔,被滿滿嘅紫薯包圍!

 

特色咖啡


Bless Juice Bar

營業時間:星期一至五10:00-19:00;星期六、日11:00-1800
地址: 澳門崗頂前地1號B




超滋潤!椰青水 x BB 雞煲

椰青飲就飲飲得多,但有無諗過椰青水同椰青肉可以用嚟食雞煲?破格火鍋店灃收火鍋裝潢特別有格調,打卡打邊爐都一流,作為 澳門美食 同一般香港大路火鍋店嘅平實風截然不同。除咗裝修特別,湯底都有特色。



原隻椰青唔係用嚟飲,係用嚟打邊爐!


其中必食椰青礦泉水BB雞煲,用椰青水、椰青、礦泉水煮BB雞。湯底清甜,可以當普通湯飲潤肺。飲完當堂覺得自己皮膚好咗。至於雞肉,店鋪採用 6 個月大 BB 雞,無論肉定皮都好滑。而且雞肉好入味,一入口有淡淡椰青味,唔需要再額外點豉油食。同一般雞煲食法一樣,食哂所有雞肉,侍應會加雞湯俾食客打邊爐。呢度嘅雞湯係無味精嫁!



除咗BB雞煲,雞煲蟹亦值得一試!煲入面有1隻BB雞、2隻超多膏頂角膏蟹,配以辣味醬汁,啱哂鍾意濃味嘅朋友!



煲底有粉皮吸哂成個煲精華


灃收火鍋

營業時間:18:00-03:00
地址:筷子基俾若翰街349號H座地下




女生大愛!JW Marriott X 卡夫卡聖誕主題 Tea Set

澳門JW酒店今個聖誕同當地人氣法式甜品小店卡夫卡合作,改良卡夫卡招牌甜品配上聖誕造型,推出甜點下午茶。每款甜品外型都精緻,別出心裁,用嚟呃LIKE一流,淨係影相都值回票價。



甜品有小鹿、聖誕樹、雪人等造型好有聖誕氣氛


唔好以為個tea set只係得個樣靚,款款都好有實力,味道一流!例如聖誕樹造型「京都之森」有濃濃綠茶味,又唔會太甜。至於以品牌「泰姬陵」甜點作製作藍本嘅「永恆雪花」,今次配上新加坡高價茶葉品牌Tea WG 1837 黑茶,將甜品提昇到更高層次。

 


京都之森


JW酒店「大堂酒廊」

供應期間:即日至2017年1月8日
地址:澳門路氹城澳門銀河綜合度假城,JW酒店「大堂酒廊」




新口味芝士撻!HOLY CHEESE

早排係香港好hit芝士撻,嚟到澳門都有得食!蛋糕麵包店Holy Cheese以芝士製作各或麵包,當中最出名係芝士撻,有抹茶和芝士原味兩款口味。金黃色香脆牛油皮配上流心北海道芝士同抹茶,味道濃厚。唔止食物賣相,就連包裝袋都好精美,細節做到一絲不苟。

 

除咗抹茶芝士,亦有藍莓芝士(圖左)


Holy Cheese

營業時間:12:00-20:00
地址:氹仔舊城區廣東大馬路116A-142F號南新花園第六座地下G號舖


(内容及片來源GOtrip


eMacau小編推薦:

●澳门不容错过的六家甜品店,你都吃过吗?

○游记 | 我在澳门的24小时,暴走+美食

●南屏雅敍 - 澳門的第一間冷氣茶餐廳


喜歡我們的介紹内容,或想了解澳門更多,就來關注eMacau吧!


微信ID:eMacau    

長按左側二維碼關注

來源:互聯網。

如未標明來源,則來源於網路,我們對作者深感敬意。

如有侵權,請留言告知,我們會在24小時內處理。