澳门旅游费用联盟

碰碰带路 人均130蚊穿街过巷澳门美食一日游

睇完有着数 2019-05-15 10:57:28


啊哈哈哈

你系咪比呢个霸气嘅标题吸引黎嘎?

冇错

呢个攻略就系准备比你地过端午用噶

端午加埋都系得三日假

想去远d都唔得

想去玩但系又想休息下

咁咪一日去玩一日休息咯

澳门好细

一日来回足够晒啦

除左食野

仲可以买买买!

哈哈哈哈我讲得系咪好有道理!

130蚊人仔就可以系澳门食到咩?

你想食米其林就梗系冇可能噶啦

但系可以食到好多街边小店嘅美味

当然呢130蚊唔包广州来回拱北口岸嘅交通费嘎!

130蚊人仔就系全日澳门费用


首先就系从广州去珠海拱北关口啦

拱北口岸系广州过去最方便嘅关口

因为呢个关口离高铁站不过五分钟路程

而且关口对面就有客运站有车直接翻广州

高铁二等座单程70蚊/人

客运车大概65蚊/人左右


一出澳门关口嘅左手边就有一排各个赌场嘅免费bus

唔使唔好意思

直接上

首先你要先搭去其中一间酒店

然后再从果间酒店搭去其他景点

免费bus上面基本都有免费wifi

同埋一般室内都会有wifi

如果系一日游我觉得唔使买电话卡

只要下载一个离线地图就得了

第一站去左威尼斯人(坐免费车)

因为呢度有个大运河购物中心

其实就系仿威尼斯风格嘅购物中心

只系多左条河

呢个购物中心同呢条河都系二楼

一楼系赌场

虽然系仿嘅

但系细节装修都做得几唔错

真系有种到左威尼斯嘅感觉

所以影相嘅效果都几好

装逼好去处啊哈哈哈

准备好你嘅自拍杆未?

威尼斯小船

你都可以搭下威尼斯嘅小船

飘荡系水中

听船夫唱歌

不过呢个游船系分段噶

买票嘅时候一定要睇清楚啦

呢度其实几值得黎行下

因为确实几靓

但系购物嘅话

呢度奢侈品比较多

冇咩适合平民消费

一楼就系赌场

每个入口都有保安把守

年满21岁先可以入赌场哦

呢间应该系我唯一食得起嘅店了

就系超级有名大排场龙嘅

安德鲁饼店

招牌就系葡挞啦

新鲜出炉

外面超级酥而且唔会好厚

入边d蛋好嫩滑

我觉得距嘅牛角包应该都唔错

人均20蚊葡币左右

址:具体地址:澳门特别行政区路凼填海区威尼斯人大运河购物中心2楼脸谱街870号铺


然后从威尼斯人出黎

跟住导航行到官也街

大概20分钟路程

官也街最大嘅特色

就系建筑啦

五颜六色嘅外墙

加上充满异国情调嘅颜色

简直就系装逼必去嘅地方

转个弯

又开始食食食

莫义记

地址:官也街9号A

呢间网上真系超级多攻略都提到

所以一定要黎打下卡

我食嘅系榴莲大菜糕

榴莲味好香而且可以食出榴莲纤维

但系大菜糕呢个载体我就唔系好食得惯

小伙伴食嘅燕窝雪糕我觉得唔错

好香云呢拿味

好滑

其实我觉得我应该试下木糠布丁

睇上去好似几唔错

但系因为跟住仲有好几样野要食

所以就冇试

消费人均30蚊葡币左右

咖喱猪扒包

18蚊葡币/只

冇留意系咩店

反正见到新鲜出炉就食了

猪扒好大块

鲜嫩多汁

包都好脆好松软

非常正

其实唔一定要咩好有名嘅店

只要食物真材实料而且新鲜

出品自然会好好食

画满卡通嘅楼

好可爱

官也街暂时只有新濠汇影嘅免费车

大家可以先坐翻新濠汇影然后再转去其他地方嘅免费车


新濠汇影就系有8字摩天轮果间酒店

如果感兴趣都可以坐下摩天轮

而且入边都有一个好大嘅购物中心可以逛下

我地就从新濠汇影坐免费bus去左大三巴

落车有d饿

即刻去711食个面

食嘅系出前一丁

比广州嘅好食好多

呢边会比d咖喱汁你捞

而且距嘅咖喱唔系好似汤咁果种

系好浓稠果种

黄澄澄嘅咖喱汁

香气四溢

非常非常非常好食唔讲笑

杨六牛杂粥

呢间真系好难稳啊

果时候其实我地已经稳左好耐

决定要放弃呢间

然后突然系一条深深嘅小巷入边见到

未行近就闻到甜甜嘅卤水味

牛杂粥40蚊葡币一碗

不过个人觉得超值

因为入边好多肉

料多粥少

除左有牛杂仲有牛腩

白粥承载住卤水嘅味道

降低卤水嘅咸味

突出卤水嘅甜味

加上本身牛嘅味道

简直就好食到要飞起身咁

地址: 澳门半岛 新马路烂鬼楼草堆街横巷1B地下

导航到上面呢个地址

你留意睇下d横街横巷

应该就会发现啦

大三巴

虽然黎过好几次

但系循例都系要影翻张

潘威记

地址: 澳门半岛 天神巷41号

以法式甜品出名嘅甜品店

唔可以堂食(主要系店面细 冇位)

只可以打包走

见到个冰柜入边嘅甜品就已经食指大动

因为d卖相都好靓啊

睇到就觉得应该好好食

抹茶泡芙

外面好脆

一定要趁冻食

入边嘅抹茶cream一d都唔腻

个人好中意抹茶

呢个抹茶cream唔会好甜

而且带d抹茶嘅涩味

超浓抹茶味

中意抹茶味嘅童鞋一定要试试

焦糖布丁

讲到法式甜品

点可以冇焦糖布丁呢

潘威记嘅焦糖布丁系我食果最好食嘅焦糖布丁

因为距个焦糖真系有焦到苦嘅味道

但系呢个苦掌握得好好

苦得好舒服

布丁本身鸡蛋味好浓比较甜

呢个布丁唔系果种好爽好弹牙嘅布丁

系果种比较软小小糕状嘅

消费人均20蚊左右

随手拍

呢个外墙嘅配色我好中意

撞色好可爱


南屏雅聚

地址:澳门半岛 十月初五街85-85号A地下

呢间餐厅好有历史了

听讲系澳门第一间有冷气嘅茶餐厅

入边嘅装修好有历史嘅味道
入边左嘅除左游客

仲有好多上左年纪嘅叔叔伯伯

我地点左咸餐

仲有甜餐可以选择

都系40蚊葡币一套

溏心蛋+吐司冇咩好特别但系都好食


奶茶真心唔错

茶味弄奶味浓

本身系淡味

自己加砂糖

呢个火腿通粉我就觉得麻麻

煮得太烂啦

d粉入口即化

可能系因为黎食嘅老人家好多

配合老人家嘅口味


老板就一直坐系收银台

然后埋单开始后行果去报个单号

老板扫一眼台面

就知道你食左咩

准确咁报出价钱

宜家仲唔用收银机嘅店已经好少了

不过收银机柜桶开开关关嘅声音应该会破坏左呢度历史嘅味道吧

食完之后

就去澳门十六浦赌场搭免费车翻拱北啦~

唔一定要去十六浦嘅

所有赌场都有车翻拱北口岸嘎

选择就近嘅赌场酒店就可以啦

提示一下

shopping嘅话主要系大三巴附近

果边商店比较多比较集中

大家有冇留意

我上面提到嘅食物嘅价钱都系用葡币

虽然基本上每间店都收人民币

不过你比人仔距找比你都系找港币或者葡币

港币同葡币汇率差唔多

但系如果你换港币

用唔晒可以去香港用

但系香港唔收葡币

港币:人民币=1:0.8左右(仅供参考)


嘿嘿

睇完我嘅攻略之后系咪好心郁呀

快d去办签证啦

你有什么想去的地方?

你想知道哪里的攻略?

你想和我分享你的故事?

小编哪里还做得不够好?

欢迎在公众平台留言

或者私信我哦~

私人微信:KuangRenLY

么么哒(づ ̄ 3 ̄)