澳门旅游费用联盟

唔洗200蚊葡纸澳门食货一日游,食尽澳门不为人知嘅地道小食.

吃喝玩乐专员 2018-08-07 10:03:46


仲有好多精彩嘢喔!你都想睇?加我咪得咯!

查找公众号: johnwang425

小编私人微信号: chihewanle008 (长按复制)


澳门离广州好近,所以我相信好多人都经过过去澳门,但係又一个问题就出现啦,澳门成条街都係食的,究竟一日游应该点玩。小编今日搵到一个係澳门工作多年嘅朋友带小编周围搵食一日佢。佢话今次个旅游叫“12道旭味”(呢个咁肉酸嘅名,正Gordon都係被逼写出嚟)

即入正题

好多人过澳门第一时间会係即刻搭巴士过去赌场或者新马路大三巴搵嘢玩同搵食,其实关口果边係又好多好嘢食窝,你知唔知先。如果你早上过到嚟,先唔好急住搭巴士先响关口食个早餐先。我哋搵一间叫<台山盛记>佢据12道旭味果条友话,呢间嘢D白粥好出名,係冇米粥日日排晒队,但係佢最中意食嘅係豆腐花。即刻俾佢激死。

关口右行

然后再右转

转过去再直行就到啦,搵唔到就问人啦。

我唔详细介绍啦,咁啱儿童节果日佢哋装修休息。小编心碎一地。6.1-6.6都唔开店。呢几日去嘅朋友睇住办。

然后我哋兜翻转头嚟到呢间<武二>食潮州粉嘅地方,係附近都係大有名气,呢度最响朵嘅係"贵刁"你未听过,呢种粉好似米粉个样,但係食落去又似河粉窝。所以都值得一试,价格唔贵。可以双拼,或者三拼,小编叫咗一个双拼都係27蚊葡纸(约人仔$21)呢度提一下,因为係广州好难换葡纸要预约所以你可以换住几百蚊港纸先,一阵过氹仔再换,因为关口同新马路换钱贵。


价格非常之抵食,而且味道唔错,D丸仔爽口弹牙。

淡一样係葡纸22蚊,呢碗係双拼都係27蚊葡纸

因为D饮品比较贵,所以你可以选择係隔离有一间<来来超市>买定D饮品过去或者食完过去买。呢间玻璃樽饮品要10蚊葡纸。但係小编行去隔离买呢只广州好少见嘅柑香茶先3.5葡纸(约人民币¥2.7)又好饮,都係果句,抵到烂。<来来超市>係澳门好出名通常买零食就係搵佢,类似香港惠康一样。(切记饮品要饮完先上车,车上唔俾饮嘢,我哋要做一个文明嘅广州人,OK)

而家呢个时候我哋就可以先过去威尼斯同银河打个白鸽转,点解?因为12道旭味係银河工作。所以正Gor咪要过去咯,同埋呢度有猪扒包总店(只有总店先可以食到菠萝包嘅猪扒包,新马路係冇菠萝包噶)


呢间铺巴闭了,点解?请英文直译,正Gor笑到禄地,听闻广州都有。


行玩威尼斯,如果有嘢买嘅就买啦,买完就可以过去隔离银河。银河因为开咗第二期,里面有好多新嘢可以试。

嚟到因为二期,呢度有百老汇演出,成日都好多明星演出,香港,台湾,国外乜都有,你可以去直接就一下个期,如果有啱嘅随便睇埋。


重点嘅係,银河二期后面开咗一条食街,听闻呢条食街係汇总咗所有澳门出名嘅名美食。


人OK多,店铺都OK多。车仔档唔算太多,因为后面仲有好多嘢食所以正Gor都唔敢食得太多,只能够拣几样有特色嘅试下。有几间铺出面都排队好多人,大家如果行开呢度可以试下,因为我去嘅时候係下午3-4点。首先见到档奶茶档,睇吖伯拉茶D茶色茶香好似唔错,所以决定试下。15蚊葡纸一杯(约11.7人仔)


但係呢度D奶茶係茶香味好重,如果你中意茶香嘅,绝对係一流,如果你中意奶多嘅,你就会觉得麻麻地,其实热饮仲好饮,但係天气热就选择咗冻饮。游荡完食街你可以选择行出门口过对面马路去食埋大利来猪扒包。正Gor太饱啦,就冇去。唔识路嘅问人啦。


仲有好浓郁水果味嘅雪条28葡纸(约21人仔)口味好多,中意食雪膏嘅可以一试,重口味足料,现场制作嘅。

芒果味,好浓郁。


当你行玩呢一带嘅时候,你可以选择下一个目的地新马路

记得一样嘢,银河门口嘅巴士係可以去到新马路的,静係银河先有。其他赌场都无哦。由完氹仔可以直接过新马路。去购物或者食好嘢。你要记得,正Gor係一个食货,所以只介绍食,购物点自己发掘啦。哈哈

首先以葡京为起点,向新马路方向,过第一个十字路口右转有一间澳门非常非常出面嘅葡挞店,如果你星期六日嚟,你想食,预计要排1小时。小编果日星期一,10分钟搞掂。

新马路第一站

10蚊葡纸一只(约人仔7.8元)

基本排队嘅有一半係本地人,所以佢出名嘅程度我都唔需要再解释了吧。蛋挞皮脆蛋滑,入口有即融个FEEL,最主要係唔会太甜。太甜估计男仔唔中意食,大大只,好好味。

然后第二站

去到入大三巴出面个广场门口。第一个路口直入右转(左转上係大三巴,别搞错)


恒友,食咖喱嘅,呢度D咖喱出名到基本所有澳门网友都认识噶啦。味道绝对係正,而且有黑色墨鱼丸,好过瘾。



仲有好出名嘅<小熊猫>食拉沙嘅。太饱了,唔好怪我冇入去食,因为係12道旭味介绍嘅。佢话叫我一定要写出嚟,好正。不过我真係食五落啦,你哋得闲可以去试下。话返俾我知。同恒友同一条路。



食完行返出嚟路口继续直上,见到玩具反斗城正对住条巷仔有一间超级好味道嘅蛋糕铺,同炸猪大肠。被誉为澳门网友10大小食之一。

我又係冇食到嘅,都係12道旭味介绍嘅,炸大肠想食,但係冇开门,甜品男人想来都麻麻地。女仔去记得试。



然后你如果食完可以转返出去大三巴,买手信影相,玩你自己中意玩嘅游戏。

今日重点推介,必须去试,行返出新马路响右行,大约行多2个街口(好似)望左边,有档推车仔牛杂(注意下午5点后先开档,买完收工)闲日少人D,节假日,起码排1个钟头队伍。12道旭味话“我之前问吖叔点解咁早收档,咁好生意唔买多D嘅。吖叔话,剪牛杂剪刀手断啦,仲买。”哈哈哈


呢度D牛杂,闻起身甜嘅,食起身香嘅,落喉係辣嘅,果一种味觉嘅享受,真係难以形容,有30-50一份,自己拣,我呢盒係40蚊葡纸(约人仔30)真係食过最好味嘅。绝对要一试,唔係好似白去澳门咁咯,作为一个吃货我觉得。

D大肠实在太好味,食完果盒忍唔住买多咗一串15蚊葡纸。

如果你食得完呢几间都证明已经天黑啦,基本一日係食唔晒咁多噶啦。所以如果係住一晚嘅,就好好享受你嘅旅行啦。介绍完毕,仲有其实食晒咁多嘢都唔洗200蚊葡纸人均,超级无敌抵。


特别声明:本人由广州正嘢原创,转载注明出处




关于·About

你既分享,永远系我地既动力

商务合作请联系QQ 2965983433

小编个人微信 chihewanle008


吃喝玩乐专员

微信号 :长按可复制

搜罗粤港澳最新视频资讯、新闻趣事,娱乐八卦、好玩好食介绍!第一时间分享俾各位!