澳门旅游费用联盟

澳门红街市区怀旧美食之旅

52澳门口袋校园 2020-06-29 15:22:00

澳門紅街市區懷舊美食之旅

2016-12-11          

信息來源:澳門經濟局                                                                      

                                                                                                                  


今個星期小編會帶大家到紅街市一帶,尋訪附近的特色商舖美食,事不宜遲,Let’s go!!

平日走過提督馬路同高士德交界處,必定留意到一座搶眼的紅色建築物,呢度就係紅街市喇!唔講唔知,建於1936年嘅紅街市係唯一列入澳門文物名錄嘅街市建築,好有歷史價值架~~

粵式老茶樓

紅街市旁邊有一座兩層高嘅黃色建築物,行上一樓,彷彿回到二十世紀六十年代的時空……

陽光映照入充滿古祖味道嘅茶樓,簡直就係走咗入電影場景咁呀。

一罐罐嘅茶葉同懷舊嘅店面相映成趣。

飲茶前先洗杯是常識吧!據老一輩所講,上世紀早期一啲比較平價嘅粵式茶樓係冇人洗碗嘅,茶客用膳後將餐具放回枱上的托盤,下一位顧客要自已用熱水將餐具洗乾淨。當然而家嘅食肆都會將碗碟消毒乾淨先會畀顧客使用,但飲茶前洗茶杯已經成為咗廣東人嘅一個獨特文化。

排骨、鳳爪鯪魚球馬拉榚肥美嘅白切雞、鑊氣滿滿嘅乾炒牛河,卡路里?減肥?浮雲嚟嘅啫,嚇我唔到嘅。


糖水檔

飲完茶不妨去旁邊買番碗糖水,紅豆沙芝麻糊都非常好味,芝麻糊入邊嘅湯圓仲要係人手逐粒搓成架!


差啲唔記得,除咗糖水,呢間嘅碗仔翅都係一絕

糕餅零食

旁邊一個不起眼嘅角落,如果唔細心留意嘅話隨時走寶,裏頭有兩家售賣糕餅零食嘅小店,老闆十年如一日咁係小店烤制各式糕餅,賣嘅不單零食,更係一種情懷!

觀音古廟

又叫觀音仔廟,同俗稱觀音堂嘅普濟禪院區分,該廟據說於明朝中業建成,規模雖不及普濟禪院,但歷史更加悠久。

普濟禪院

附近嘅普濟禪院俗稱觀音堂,建於17世紀,同媽閣廟、蓮峰廟並稱澳門三大古廟。1844年,中美在此簽訂《望廈條約》。

參觀完古廟之後最啱就係食返餐美味嘅齋菜,附近嘅素菜餐館可以提供各式齋菜,麵筋酸酸甜甜非常好送飯呢!

Café

由紅街市走到過嚟觀音堂如果覺得有啲攰嘅話可以到附近嘅CAFE歇一歇,嘆番杯香濃嘅咖啡,食番件香脆嘅多士

只要喺商戶門口見到Lee張poster,就代表商戶有參與活動啦!


紅街市附近部分商戶

   



長按指紋“識別二維碼” 快速關注 52PUM 公眾號